बाह्रबिसे  पूर्ण खाेप सुनिश्चित नगरपालिका घाेषणा

सिन्धुपाल्चोक ।  बाह्रबिसे  नगरपालिकालाई  पूर्ण खाेप सुनिश्चितता  नगर घाेषणा गरिएको छ । विहिवार आयाेजित एक समाराेहका विच जिल्ला समन्वय समिति सिन्धुपाल्चोकका प्रमुख बालकृष्ण श्रेष्ठले भव्य समाराेहका विच पूर्ण खाेप घाेषणा गरेका हुन् ।

जिल्ला समन्वय समितिका प्रमुख बालकृष्ण श्रेष्ठ र जिल्ला  जनस्वास्थ्य प्रमुख दुर्गा बजगाईंले पूर्ण खाेप घाेषणाकाे प्रमाण -पत्र नगर प्रमुख बालकृष्ण बस्नेत, उपप्रमुख मन्जु तामाङ, प्रमुख प्रशासकीय अधिकृत ईश्वरी प्रसाद शर्मा  र  स्वास्थ्य शाखाका प्रमुख सीता दाहाललाई संयुक्त रुपमा हस्तान्तरण गरेका थिए ।

जिल्ला समन्वय  समित प्रमुख  जिल्ला  खाेप समन्वय समितिकाे अध्यक्ष र जिल्ला जनस्वास्थ्य कार्यालय प्रमुख सचिव हुने व्यवस्था छ ।

१६ देखि ५९ महिनाका १ हजार १८ जना र   तथा ० देखि १५ महिनाका २६१ बालबालिका सबैले सबै प्रकारकाे खाेप पूरा गरेकाले पूर्ण  खाेप नगरपालिका घाेषणा गरिएको  स्वास्थ्य शाखा प्रमुख सीता दाहालले बताईन्    ।

समाराेहमा जिल्ला समन्वय समितिका प्रमुख बालकृष्ण श्रेष्ठले पूर्ण खाेप पाए संगै हाम्रा नानिबाबुहरु स्वच्छ हुने र भविश्यमा निराेगी हुने कुरामा जाेड दिए ।

नगर प्रमुख बालकृष्ण बस्नेतले पूर्ण खाेप घाेषणा गर्न मिहिनेतका साथ काम गर्नु हुने  स्वास्थ्य कर्मीहरुकाे उच्च प्रशंसाा गरे  । समाराेहमा उपाध्यक्ष मन्जु  तामाङ, प्रमुख प्रशासकीय अधिकृत ईश्वरी प्रसाद शर्मा, जिल्ला जनस्वास्थ्य प्रमुख दुर्गा बजगाईं लगाएतकाले खाेपकाे महत्वका बारेमा आफ्ना धारणा राखेका थिए ।

कार्यक्रमकाे औचित्यमाथि स्वास्थ्य शाखा प्रमुख सिता दाहालले प्रष्ट पारेकी थिईन । पूर्णखाेप घाेषणामा अहाेरात्र खट्ने पालिका भित्रका सबै स्वास्थ्य संस्थालाई  सम्मान गरिएको थियाे । साे अवसरमा स्वास्थ कर्मी तथा स्वयंसेविकाहरुले सन्देश मुलक गित तथा नृत्य प्रसतुत गरेका थिए ।